005 澳门人讲饮讲食:大堂炸鸡(快餐类)

2020-05-23 浏览量:473

005 澳门人讲饮讲食:大堂炸鸡(快餐类)
005 澳门人讲饮讲食:大堂炸鸡(快餐类)


麦当劳、大家乐、肯德基大家可能都帮衬唔少,但我们澳门其实係03年既时候开左一间属于澳门道地土炮炸鸡店,它的名字叫”大堂炸鸡“,基本上係澳门人都会食过,佢地整既鸡绝对好吃过澳门果只肯德基,而且大堂炸鸡的鸡味道独特,又係即叫即炸,非常新鲜,但此终係油炸食物,所以唔好多食。

店铺係大堂街,可由邮政局旁楼梯(友邦中心对面)、仁慈堂旁斜路直上、主教座堂的十字耶稣广场附近都可以到达,距离喷水池2分钟步行,距离之前介绍的大堂巷食店约1-2分钟脚程,佢门口有只Q版大白鸡做招牌ga!

食物价格方面非常之便宜,差不多是肯德基一半左右。阿乃推介:
1.炸鸡脾(超大只) 7蚊一只,2只又平d,3只再平d,佢係实行买多d平多d。
2.炸连皮薯角,又係好大碟,而且仲好好味,唔似有d店铺炸到”林姐姐”,咬都咬唔开。
3.薯茸,佢真係用薯仔整成糊状,好香薯仔味,可以加沙律酱。唔似其他店舖咁用粉开,亦唔似肯德基果d”希冧冧”又冇薯味。
4.如果多人一齐吃就买个 F餐(唔知有冇改名),好抵吃,有3只鸡脾、3只鸡全翼、3杯汽水/凉茶、2枝粟米、一碗大薯茸,3、4个人绝对都够吃,大食的2个人啦!

另外佢D鸡扒饱、意粉等就见人见志,有人话好有人话唔好食。
但大家记住食佢既炸鸡,一定要落淮盐先至好吃,如果唔係唔够野味呀!
如果讲漏左野或其他澳门朋友有补充的话,欢迎回覆呀!

——————————————————————————————————-
(下一期都係继续介绍议事亭附近的食店、小食馆,各位可能要自己PLAN下应该要点食法先可以一次食哂又唔会饱到行唔郁啦!haha)

(Update:2006/03/29)
编/摄:阿乃

相关文章