003,004 澳门人讲饮讲食:三可饼家(已歇业) + 柠檬

2020-05-23 浏览量:734

003,004 澳门人讲饮讲食:三可饼家(已歇业) + 柠檬
今期一出就二回,事关都係附近,所以一次满足大家两个要求,手信及雪糕呀!
大家係咪觉得澳门除左赌就冇其他野?其实大错特错,澳门除了赌仲有几百多年的历史文化、建筑、各地及澳门菜、街头小吃等,刚刚仲申请埋世界遗产,又有渔人码头、观光塔等新玩意!

咁仲点可以用一个 “赌” 字来形容我们的澳门呢?应该叫 “多姿多采的文化名城” 才对!
跟我吃尽澳门人道地街头巷尾小食及风味菜,行尽大街小巷探索澳门小城,绝对比你入赌场更加开心!


003 澳门人讲饮讲食:三可饼家(中式饼类)

三可饼家,见证了澳门议事亭的变迁。今日的三可与昔日的三可变化很大,昔日的三可位于现在板樟堂的bodyshop + 克氏雪糕店 的旧楼,因为当时要清拆及重新装修的关係,被迫结业,与当时隔壁的小小书店一样命运,需小小书店已经不在,但三可饼家于数年前再次续业,开左係对面大堂巷里面 (恆友鱼蛋隔离),与旧址只有数十步之距离而已,佢会好多出名的饼,如鸡旦饼、盲公饼、鸡仔饼、杏仁饼、牛耳等。

价格方面好大众化,唔会好贵,而且佢仲係用以前的纸盒包装,黄底用红蓝白三色写上三可饼家及其他图案,非常之古式风味呀!

而家好多香港都过来买”鉅记”,讲过秘密你地听,其实鉅记係香港人过黎澳门开,都係近几年先咁出名,以前澳门根本就冇咩鉅记,所以作为游客,冇理由唔买d澳门历史悠久既饼家ga?
(我唔係係度拆人地招牌,只不过想大家来澳门食又好、玩又好、赌都好,都希望各位可以了解一下澳门的历史文化,咁先叫做有得益嘛,才可以算得上 “读万卷书不如行万里路。” )

以前三可、咀香园、远来饼家,係中区好有名既饼家,可算齐名气,当然三家都有不同的历史典故及不同经历,迟d我都会同大家介绍远来同咀香园的历史及发展。

各位同为澳门人的blog友,留意一下三可好似又唔係大堂巷啦!今日放工去影返d相都唔见三可!係咪又执左呢?

004 澳门人讲饮讲食:柠檬车露(甜品类)

003,004 澳门人讲饮讲食:三可饼家(已歇业) + 柠檬

係三可、恆友对面,係上年开业的,卖点係老闆每日新鲜手打意大利雪糕,价格适中,10多元一个,买之前如果唔知好唔好味,佢地仲提供试食,比你试哂所以味先拣贯边种都唔迟。

意大利手打雪糕,这是澳门人自己开的,而味道紧贴意大利人口味,就是偏甜,而且好似香港冇,香港只有纽西兰低脂雪糕,所以来澳门就一定要试一试啦!而呢个意大利手打雪糕,佢地话都係fat free ga,所以一样咁健康ga!本人就几like佢果个芒果、薄荷朱古力。

————————————————————————————————
今集就讲住咁多先啦~~下回再带大家游澳食下野,讲埋佢背后既历史啦!
(下一回:005 澳门人讲饮讲食)

(Update:2006/03/29)
编/摄:阿乃

相关文章