15 May 2019 维港海雾+日常街拍

2020-06-04 浏览量:427

话说当日,一朝早已经有海雾,但由于笔者懒,同埋觉得海雾都就快冇㗎啦,一直拖到1:30pm先出门口。搭车时候经过观塘绕道,仲见到有海雾,以为有机,点知已经接近尾声,影得一张...

是日出动镜头

15 May 2019  维港海雾+日常街拍 

正式开始...

一落车第一步马上搵开扬景观,但当搵到时候,已经开始收收地皮...

15 May 2019  维港海雾+日常街拍

160mm iso160 f11 1/400

之后,就去补食早餐,係步紧过去途中,拎住28-300试下街拍,原来呢枝镜长焦时候,对焦距离都几远下,即係个散景距离都几多下,不过由于係现代镜又係变焦镜,枝镜果条对焦码都唔知show紧几多mm,故无从稽考对焦距离。

同埋用枝镜都一段日子,係咁e share下我对呢枝镜有咩感想同特点。变焦个range咁阔构图的而且确好毑方便,同埋减少换镜机会,好多时即场发生既事,都可以影到。不过佢都有缺点,笔者发现枝镜影出黎偏暗,要比其他镜推高1~2级iso,先至能够keep番个快门时间或光度,同埋影夜景嘅时候,如果係好黑山头或郊野地方,暗部位置更加暗,后製时候几乎推唔番出嚟。日头、去旅行呢枝镜属于出动头三位,我评枝镜有80分。28-300个range咁阔,有时唔使太讲求质素,影到就赢!

言归正传... 去紧北角途中,发现有条长马路,中间有安全岛,最后有楼,用长焦300mm zoom埋去构图应该可以。呢张坐左係路边一阵,呆思左一阵,就有个人从右边杀出黎,觉得啱timing 于是按下快门!

15 May 2019  维港海雾+日常街拍

300mm iso320 f5.6 1/500

跟着,转个街口又俾我见到有趣构图,果刻好多车,车好有层次咁由最远架车高去到最近最矮,好似层层叠砌Lego 咁,而且仲有一众街拍爱好者,好钟意影既红的!理所当然,拎起相机chok番张~

15 May 2019  维港海雾+日常街拍

200mm iso320 f5.6 1/320

一直行... 发现斜路上面开始有好多学生放学,开头我都冇为意到有乜咁好影,啱行多两步发现呢个构图几有趣,于是停低左一阵睇吓有冇特别野经过,点知有个老男人大肚腩食住支烟仔过马路。

15 May 2019  维港海雾+日常街拍

200mm iso320 f5.6 1/320

唉~一起身就搭车仆出嚟影海雾,早餐都未食,係时候要医肚喇!自从我知道呢间野嘅存在之后,每次我经过北角,我都一定食呢间茶记。呢间茶记有个不成文规定,星期日休息... 但你话佢寸嘴又好,星期日唔休做又好,对铺头员工有人情味又好,人哋真係串得起,好生意,成日爆场,同埋真心好食!佢个瑞士鸡髀出色到呢... 係dcfever呢度唔係三言两语打几只字就可以形容得到,自己亲身去试吓就知喇!佢真係好抵食,睇吓个餐牌, 配A+B+C、A+B+E、A+B+M咁多花款,今时今日仲係$4x ,咁多嘢食!仲要有埋杯嘢饮!真係抵屌到爆厂!红豆冰加两蚊咋大佬,抵屌!

15 May 2019  维港海雾+日常街拍

我叫果个餐A+B+E,瑞士鸡髀+吉列鱼柳包+炭烧猪颈肉+餐肉炒蛋饭,加$2红豆冰。由于太肚饿嘅关係,净係影咗咁多~

15 May 2019  维港海雾+日常街拍

食完野,一场嚟到谂起闹市中有电车行走...春秧街~不过去春秧街之前,去个小便先,但茶记厕所有人,于是去咗北角体育馆厕所,落嚟之后比我见到工人洒水,即刻影低!一张姐,跟住佢就冇再洒水走咗佬...

15 May 2019  维港海雾+日常街拍

92mm iso640 f5.3 1/500

终于到达春秧街,其实构图得一个,係电车后边前面好多人经过,主要係睇有咩人经过同埋电车颜色,于是等... 嗰日影咗几张认为满意,时刻顺序发布~

呢张架电车几靓几特别,但d人构图唔掂...

15 May 2019  维港海雾+日常街拍

125mm iso1000 f5.6 1/500

呢张d演员唔掂,仲帮人好明显咁卖广告...

15 May 2019  维港海雾+日常街拍

180mm iso1000 f5.6 1/400

呢张我最满意,外国人个轮廊好正,虽然影到blur哂,但係轮廊都仲好出。又虽然都係帮呢间公司卖广告,但係人哋外国公司全部英文字感觉上有品味得多,我愿意帮佢卖广告^.^v 

15 May 2019  维港海雾+日常街拍

190mm iso1600 f5.6 1/250

呢张有feel,前面手推车后边电车,仲有疑似夫妻档~ 

15 May 2019  维港海雾+日常街拍

180mm iso1600 f5.6 1/500

呢张压缩感咁最强300mm!

15 May 2019  维港海雾+日常街拍

 300mm iso1600 f5.6 1/320

睇天文台个app,日落都似收收地皮,提早散水。

 

朕~係大概呢半年先喜欢街拍,以前街拍我觉得好无聊,影嚟影去咪又係咁。直至唔记得拎起边枝神奇老镜出街试拍(大光圈),同埋后製调色有新突破性发展,个脑好似突然间开窍,锺意左街拍。在下街拍真係一名新手,有好多进步空间。街拍有趣之处,每次出街面对情况都唔一样,就算同拍档同一时间一齐影,啱出嚟个结果都会唔一样。因为大家个观感、构图,嚗光铁三角认知、了解、想影散景效果略有不同,所以唔同摄影者有唔同效果,呢个就係街拍奥妙之处!

唔讲有啲人可能唔知,今日见电车路靠海嗰边,其实就係当日从前既海平线,即係电车轨对出就係海,后尾填海(越填越出=.=''),所以电车路沿线先唔係沿海。

 

希望黎紧有机会或者有mood分享其他野,老镜、新镜头又好,日常遇上大景出动经历又好,或者街拍有新idea~唔知下次几时,会遇咩大景又可以成个故仔咁呢^.^v

 

欢迎加ig交流!

instagram: andrewncy.images

相关文章