《虽败不辱 车路士超级盃赛后分析》

2020-05-28 浏览量:139
《原创文章 欢迎转载 请列明出处 谢谢》-请支持蓝狮 Facebook专页- image.nghenhinvietnam.vn 今场林伯特以433阵式出战 亦都係球队上季源用开既阵式 自佢上任后热身赛一直都係以4231作主要阵式用多 今场波反而用番433 背后亦目的相信亦都呼之欲出 以球队依加既人脚配套 再加上球员上季都用左一整季时间去适应433 今场见到无论喺场面同配合上都能够为哩队车路士带黎唔错既表现当然 并唔係话林伯特所用既4231唔能够成功 正如当初沙利上任后都花左唔少时间去抺甩干地既三中坚 亦都因为阵式上一啲固有既防守漏洞令到球队失球画面不断重複 既然林伯特喺哩场决赛都选择番一个球队熟习开既阵式 亦都姐係佢深明如果今季需要喺联赛同欧联既成绩上有一定竞争力的话 就好大机会要继续以433作阵式主要蓝图 而其他本土盃赛就作试练之用好喇讲返场波 同上季常规主力比较 今场波喺人脚上有几个位置唔同左 分别安排左普利锡接替夏萨特打左边 以及中坚两个位由苏马同基斯甸臣所接替 其余位置就无乜大变动 战术内容都係跟上季一样 主要依靠佐真奴发板 高华锡主要负责中路推进同入涉 而简迪就继续利用跑动覆盖面处理球队前中后问题 其他球员职责同大同小异而今场波想重点讲两个球员 亦都会係今季黎讲相当重要既球员黎 分别係柏度同简迪 夏萨特离队后 论个人技术最好既边路球员可以话非柏度莫属 虽然年纪上又大一年 不过西班牙人喺一啲个人特质上依然係球队中所缺少 包括斗心、协防频率、跑位以及传球时机 喺今场波完完全全活现左哩几方面喺队中就只有柏度能够胜任 尤其係喺夏萨特离队后今季就一定好依赖柏度喺场上既表现至于简迪 虽然伤患开始多 不过球员即使状态未处于高水平仍然能够交出高水平表现 而且喺一啲持球过人方面感觉上比上季做得更多 依加咁睇可以话係沙利释放左佢既进攻本钱 虽则喺一啲最后一传方面仲有啲美中不足 不过都足以成为当今球坛其中一位世界级全能中场最后想讲一讲今场波既后防线 比起再上一场对曼联 今场波后防线既表现其实相当稳定 基斯甸臣同苏马喺好多防守既处理上都做得唔错 应清则清 而后者无被上场输果个十二码影响得到 今场波落脚同单挡方面都表现出信心 喺哩度想表达今季既中坚係咁多就係咁多 都几已係铁一般既事实 与其成日话佢两个唔掂 倒不如比多啲支持佢地 最重要既係哩两个球员一场打得比一场好 将自己所犯既错修正得到 「交学费」就紧架喇 有边个当打既中坚喺仲係年轻球员果阵未交个学费 只係依加既表现盖过左自己既过去姐 总结 虽然今场波失落左相信係今季最接近既一个奬盃 不过球队既精神面貌表达得出无因为被曼联大炒而失落 而艾巴咸射失十二码后队友之间亦互相安慰 哩边亦係林伯特所讲球员需要团结一致既表现 而今场波亦留下433以及4231既伏线 相信林伯特会再作试验 寻找最终定案各位香港人 今日维园见!文章发表时间 : 18/08/2019 10:15文章最后更新时间 : 18/08/2019 10:15《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关文章